მწვანე ბარათები IGG-ში

გადაკვეთეთ საზღვრები დაბრკოლების გარეშე!

მწვანე ბარათი წარმოადგენს ავტო დაზღვევის საერთაშორისო  პოლისს, რომელიც მოიცავს მესამე პირის წინაშე პასუხისმგებლობის დაზღვევას და სავალდებულოა ევროპის, ამიერკავკასიის, ახლო  აღმოსავლეთისა და ჩრდილოეთ აფრიკის 45 ქვეყანაში.

დეტალური ინფორმაცია იხილეთ ბმულზე.

წაკითხვა

დააზღვიეთ ავტომობილი, იმოგზაურეთ მშვიდად

ისარგებლეთ უამრავი უპირატესობით:

  • საწვავის ადგილზე მიტანა
  • ფასდაკლება ვისოლის ბენზინგასამართი სადგურების ქსელში
  • ევაკუატორის მომსახურება
  • ავტომობილის დაქოქვა პორტატული აკუმულატორით
  • საბურავის გამოცვლა
  • ჩაკეტილი მანქანის გაღება

წაკითხვა

ახალი კომპანია სს „საქართველოს სადაზღვევო ჯგუფი“ ხელს აწერს გადაზღვევის ხელშეკრულებაზე Scor–თან

2017 წელს შექმნილი სს საქართველოს სადაზღვევო ჯგუფი საქართველოს სადაზღვევო ბაზარზე წარმოადგენს ახალ კომპანიას. კაპიტალი სრულიად ქართულია, ხოლო მმართველობას გააჩნია მრავალწლიანი გამოცდილება სადაზღვევო სექტორში.

რაც შეეხება ჯანმრთელობის დაზღვევას, კომპანიამ უკვე მოახერხა საქართველოს რკინიგზის მიერ გამოცხადებული ტენდერის მოგება და იგი მომსახურებას გაუწევს საქართველოს რკინიგზას და მის შვილობილ კომპანიების „საქართველოს რკინიგზის ლოჯისტიკა და ტერმინალების“, სს „საქართველოს რკინიგზის ქონების მართვის“, სს „საქართველოს რკინიგზა– ბორჯომი–ბაკურიანის“ თანამშრომლებსა და მათი ოჯახის წევრებს. დაზღვეულთა საერთო რაოდენობა აღწევს დაახლოებით 30,000 ადამიანს, რაც შეადგენს საქართველოში კერძოდ დაზღვეულ პირთა დაახლოებით 6-7%–ს, წლიური გაწერლი პრემია აღემატება 5 მილიონ ლარს.

IGG-ს გააჩნია სერიოზული ამბიციები და იგი აგრეთვე გეგმავს ფუნქციონირებას არასასიცოცხლო დაზღვევის სექტორშიც. დამფუძნებლის და გენერალური დირექტორის, არჩილ მორჩილაძის განცხადების თანახმად, კომპანიამ ხელი მოაწერა გადაზღვევის ხელშკრულებაზე ფრანგულ კომპანიასთან  Scor–თან, რაც თავის მხრივ უზრუნველყოფს საქართველოს სადაზღვევო ჯგუფის არასასიცოცხლო დაზღვევის ხაზის სტაბილურობას (ქონება, ტვირთები, ა.შ.) და აღნიშნული აგრეთვე კომპანიას მიანიჭებს პოტენციური კლიენტებისათვის კონკურენტუნარიანი წინადადებების შეთავაზების შესაძლებლობას. Standard & Poor’s Holds AA-ს რეიტინგის თანახმად Scor წარმოადგენს მსოფლიოს მე–4 უმსხვილეს გადამზღვევს.

2017

წაკითხვა

საქართველოს სადაზღვევო ჯგუფი, ავტოტრანსპორტის დაზღვევის სფეროში აქტიურ ოპერირებას იწყებს

საქართველოს სადაზღვევო ჯგუფი - (IGG), ავტოტრანსპორტის დაზღვევის სფეროში აქტიურ ოპერირებას იწყებს. სახელმწიფო შესყიდვების ფარგლებში მან უკვე მოახერხა ათზე მეტ ტენდერში გამარჯვება (მოზიდული პრემია 600 000 ლარამდე) და 2018 წლის 1 იანვრიდან განახახორციელებს მნიშვნელოვანი სახელმწიფო უწყებების ავტოტრანსპორტის დაზღვევას. ამის მიუხედავად, საქართველოს სადაზღვევო ჯგუფის გენ. დირექტორის არჩილ მორჩილაძის განცხადებით, კომპანიას არაკონკურენტულ გარემოში უწევს ოპერირება, ვინაიდან შემსყიდველი ორგანიზაციების ნაწილი ჯერ კიდევ არ ითვალისწინებს შესყიდვების სააგენტოს რეკომენდაციებს და სატენდერო პირობებში კვლავ დებს სხვადასხვა ტიპის შეზღუდვებს სადაზღვევო ბაზარზე ახლად შემოსული კომპანიებისთვის, რის გამოც კომპანია გამოცხადებული ტენდერების ნახევარშიც კი ვერ ახერხებს მონაწილეობის მიღებას. ხოლო იმ ტენდერების უმრავლესობაში, სადაც შემსყიდველმა არ დააწესა არადისკრიმინაციული გარემო, საქართველოს სადაზღვევო ჯგუფმა მოახერხა გამარჯვება, რითაც საბიუჯეტო სახსრებიც მნიშვნელოვნად დაიზოგა.

2017

 

წაკითხვა

ასეთ პირობებში, მოსახლეობა ბანკების სადაზღვევო პროდუქტების მძევალი გახდება

რამდენიმე დღის წინ 12-მა სადაზღვევო კომპანიამ "საბანკო სექტორის ექსპანსიის შესაჩერებლად" მთავრობას მიმართა. სადაზღვევო სექტორის და დაზღვევის საბროკერო კომპანიების წარმომადგენლები ბაზარზე თავისუფალი კონკურენციის პირობების გავრცელებას ითხოვენ და ამისთვის მთავრობას და საკანონმდებლო ორგანოს საბანკო სექტორზე გარკვეული რეგულაციების დაწესებისკენ მოუწოდებენ. რატომ ხედავს აღნიშნულის საჭიროებას ინდუსტრია და რამდენად აქტუალურია ეს თემა დღეს, ამაზე საქართველოს სადაზღვევო ჯგუფის დამფუძნებელი არჩილ მორჩილაძე საუბრობს.

- ბატონო არჩილ, სადაზღევო ინდუსტრია ბანკებისთვის სადაზღვევო სფეროში აქტივების ფლობის შეზღუდვას ითხოვს. რატომ გახდა ეს პრობლემა დღეს აქტუალური სადაზღვევო ინდუსტრიისთვის და აქამდე რატომ არ აყენებდით ასე მწვავედ ამ საკითხს?

- სადაზღვევო ინდუსტრია ბოლო 20 წელიწადია ელოდება ამ სფეროს განვითარებას. სახელმწიფოს მხრიდან უკვე გადაიდგა მნიშვნელოვანი ნაბიჯები; კერძოდ, დაიწყო საზღვრებზე ავტომფლობელთა პასუხისმგებლობის დაზღვევა, ინერგება საჯარო ობიექტებისა და აგროდაზღვევის პროდუქტები, მაგრამ ყველაზე მნიშვნელოვანი არის ავტომფლობელთა სავალდებულო პასუხისმგებლობის დაზღვევის შემოღება, რაც ერთ-ერთი ევროდირექტივაა და ქვეყანამ 2020 წლამდე უნდა შეასრულოს. სანამ ეს კანონი შემოვა, თუ დამოუკიდებელ სადზღვევო კომპანიებს არ მიეცათ კონკურენტულ გარემოში ოპერირების საშუალება, ჩვენი მოსახლეობა ისევ აღმოჩნდება რამდენიმე ძირითადი ბანკის დაზღვევის ან მასთან აფილირებული სადაზღვევო კომპანიის მძევალი. (ვგულისხმობ, როგორც ფასის სიდიდეს, ასევე სერვისის ხარისხს).

- სადაზღვევო ინდუსტრიის განცხადების საპასუხოდ, თიბისი ბანკმა და ბიზნეს ასოციაციამაც დააფიქსირა პოზიცია, რომ კონკურენციის კანონი ბანკებზე არ უნდა გავრცელდეს. თქვენი პოზიცია როგორია? რა არგუმენტები არსებობს ამის საპირისპიროდ?

- ბიზნეს ასოციაციის პოზიცია ბანკების სასარგებლოდ დაფიქსირდა; არ მინდა ვიფიქრო, რომ ამის მიზეზი მხოლოდ ისაა, რომ ამ ორგანიზაციის ყველაზე დიდი დონორები ბანკები არიან. ჩვენდა სამწუხაროდ, ასეთი განცხადებით, ბიზნეს ასოციაცია ქვეყნის მოსახლეობის მხოლოდ 0.5 %-ის ვიწრო ფინანსურ ინტერესს იცავს. მინდა აღვნიშნო, რომ ჩვენ გვესმის საბანკო სფეროს მნიშვნელობა და მისი ადგილი ქვეყნის ეკონომიკაში, მაგრამ თიბისი ბანკის განცხადება, რომ მათზე კონკურენციის კანონი არ უნდა გავრცელდეს, არის უპრეცედენტო. ისინი თვლიან, რომ არაკონკურენტულ გარემოშიც კი მათი სერვისით მომხმარებელი მხოლოდ მოიგებს. ეს ცხადია, მთლიანად ეწინააღმდეგება ყველანაირ წარმოდგენას საბაზრო ეკონომიკაზე. ვფიქრობ, ასეთ მიდგომაზე შეფასება, სწორედ, მომხმარებელმა უნდა გააკეთოს. რა მდგომარეობაც დღეს გვაქვს საპროცენტო განაკვეთების თუ სახელშეკრულებო ურთიერთობების სფეროში ბანკსა და კლიენტს შორის, ზუსტად ეს შედეგი დადგება დაზღვევაშიც. ქვეყანაში შექმნილი ეკონომიკური მდგომარეობა, დოვლათის გადანაწილების კუთხით, სავალალოა (პოსტსაბჭოთა სივრცეშიც კი, ყველაზე- ცუდი) და საჭიროებს რადიკალურ ცვლილებას. მკვლევართა აზრით, სწორედ დოვლათის გადანაწილების ე.წ. ჯინის ინდექსის მაჩვენებელია მჭიდრო კავშირში სოციალური მღელვარებასთან [social unrest]. ჯინის ინდექსი საქართველოში 0.42 ია და ეს მაჩვენებელი მიანიშნებს შემოსავლების ისეთ უთანასწორო გადანაწილებას, რომელმაც შესაძლოა, საზოგადოების მღელვარება გამოიწვიოს. ეს პრობლემა ასახულია საქართველოს სახალხო დამცველის ანგარიშში. ბიზნეს ასოციაციის წარმომადგენლებს ეს მუდამ უნდა ახსოვდეთ და ხელს უნდა უწყობდნენ ასეთი მდგომარეობის გამოსწორებას.

- რა ნაბიჯები უნდა გადაიდგას?

აქ ლიდერის როლი სახელმწიფომ უნდა იკისროს; აუცილებელია, ქვეყნის განვითრების იმ ფორმით დაგეგმვა, რაც ქვეყანაში დოვლათის განაწილების კუთხით, მდგომარეობას გააუმჯობესებს. დღეს სადაზღვევო სექტორისთვის უმთავრესია კონკურენტული გარემოს შექმნა, რათა ბანკებთან აფილირებულ თუ არააფილირებულ ყველა კომპანიას მიეცეს თანაბარ პირობებში ოპერირების საშუალება. ხაზი უნდა გავუსვათ, რომ ჩვენ არ ვითხოვთ რაიმე პრეფერენციას. ქვეყანამ უნდა გაითვალისწინოს ის ვითარება, რაც დღეს არის შექმნილი ბანკების დომინანტური მდგომარეობის კუთხით, გამოიყენოს წარმატებული ქვეყნების მაგალითები და რაც შეიძლება მალე შეცვალოს კანონმდებლობა.

2018

წაკითხვა

საქართველოს სადაზღვევო ჯგუფი სასჯელაღსრულების სამინისტროს თანამშრომლების ჯანმრთელობის დაზღვევას განახორციელებს

ბაზარზე ოპერირების დაწყებიდან ძალიან მალე საქართველოს სადაზღვევო ჯგუფი (IGG) სახელმწიფო შესყიდვების მორიგი გამარჯვებული ხდება.მიუხედავად იმისა, რომ ტენდერი რამდენჯერმე ჩაიშალა, კომპანია სასჯელაღსრულების სამინისტროს თანამშრომლების ჯანმრთელობის დაზღვევას განახორციელებს. მთლიანი სატენდერო თანხა 1,8 მლნ ლარია. საქართველოს სადაზღვევო ჯგუფი ტენდერში გამარჯვების შედეგად 6 000 -ზე მეტ ადამიანს მოემსახურება.საქართველოს სადაზღვევო ჯგუფის სამედიცინო დირექტორის თეო აქიმიძის განცხადებით, ტენდერის წარმატებით დასრულება შესაძლებელი მხოლოდ იმიტომ გახდა,რომ საქართველოს სადაზღვევო ჯგუფს ტენდერში მონაწილეობის საშუალება მიეცა. ამ დროისათვის სადაზღვევო კომპანიის პორტფელი ბაზარზე შემოსვლიდან დღემდე (7 თვეში) უკვე 10 მლნ ლარს ასცდა.

„საქართველოს სადაზღვევო ჯგუფმა“ სადაზღვევო ბაზარზე ოპერირება 2017 წლის ივლისში დაიწყო. კომპანია 100%-ით ქართული კაპიტალითაა შექმნილი და მისი მენეჯმენტი დაზღვევის სფეროში მრავალწლიანი გამოცდილების მქონე კადრებითაა დაკომპლექტებული.

2018

წაკითხვა

IGG - ავტოსატრანსპორტო საშუალებების დაზღვევის პრემიის წილით მეოთხე პოზიციაზეა

დაზღვევის ზედამხედველობის სამსახურის მიერ გამოქვეყნებული მონაცემებით, 2018 წლის პირველ კვარტალში ავტოსატრანსპორტო საშუალებების დაზღვევის კომპონენტში სადაზღვევო კომპანია საქართველოს სადაზღვევო ჯგუფი- IGG ” მოზიდული პრემის წილის მიხედვით მეოთხე პოზიციაზეა. სადაზღვევო სექტორის მიერ დაზღვევის ამ სახეობაში ჯამურად მოზიდული პრემიის ოდენობა სულ 24 მლნ. ლარს შეადგენს საიდანც 2.65 მლნ ლარის პრემია,  სადაზღვევო კომპანია საქართველოს სადაზღვევო ჯგუფმა - IGG ” მოიზიდა.

აღსანიშნავია, რომ სადაზღვევო კომპანია საქართველოს სადაზღვევო ჯგუფი - IGG ” ბაზარზე ერთი წელზე ნაკლებია რაც ოპერირებს და მისი სადაზღვევო პორთფელი უკვე 11.5 მლნ ლარზე მეტს შეადგენს.

2018

წაკითხვა

საქართველოს სადაზღვევო ჯგუფი ახორციელენს საგზაო სატრანსპორტო დაზღვევის ბაზრის 11%–ის კონტროლს

საქართველოს დაზღვევის სახელმწიფო ზედამხედველობის სამსახურის მონაცემების თანახმად, 2018 წლის პირველ კვარტალში სადაზღვევო კომპანია „საქართველოს სადაზღვევო ჯგუფი – IGG“ მეოთხე ადგილს იკავებს საგზაო სატრანსპორტო დაზღვევის სფეროში.

აღნიშნულ სფეროში გაწერილი პრემიის საერთო ოდენობა შეადგენს 24 მილიონ ლარს, ხოლო სადაზღვევო კომპანია „საქართველოს სადაზღვევო ჯგუფი – IGG“–ს წილი შეადგენს 2,65 მილიონ ლარს, რომელიც წარმოადგენს საერთო წილის 11%–ს.

უნდა აღინიშნოს, რომ IGG–ს სადაზღვევო ხელშეკრულებები გაფორმებული აქვს ისეთ მთავარ სახელმწიფო უწყებებთან, როგორიცაა საქართველოს საპატრულო პოლიცია, საქართველოს პრეზიდენტის ადმინისტრაცია, საქართველოს უზენაესი სასამართლო. რეგიონალური განვითარებისა და ინფრასტრუქტურის სამინისტრო, საქართველოს სახელმწიფო აუდიტის სამსახური, საქართველოს რკინიგზა, საქართველოს პრობაციის სამინისტრო და ა.შ. IGG–ს ფილიალები გააჩნია ქუთაისში და ბათუმში. 

ჯანმრთელობის დაზღვევის სფეროში, IGG ფუნქციონირებს საქართველოს მასშტაბით და გააჩნია პროვაიდერი კლინიკების ფართო ქსელი (200-მდე). ოჯახის ექიმები ხელმისაწვდომნი არიან საქართველოს ყველა დიდ ქალაქში.

მოცემული მომენტისათვის, კომპანიას დაზღვეული ჰყავს დაახლოებით 38,000 ადალიანი, რაც თავის მხრივ შეადგენს საქართველოში კერძოდ დაზღვეული პირების 7-8%–ს. 

არასასიცოცხლო დაზღვევის ფარგლებში, კომპანია საქართველოს მასშტაბით მომხმარებელს სთავაზობს ბაზარზე ხელმისაწვდომი ყველა სახის პროდუქტს. 

გადაზღვევის ფარგლებში, კომპანია თანამშრომლობს AA- რეიტინგის თანახმად მსოფლიოში გადამზღვევ კომპანიებს შორის სიდიდით მე–4 ადგილზე მყოფ ფრანგულ კომპანიასთან  SCOR–თან (www.scor.com). IGG–ს და SCOR–ს შორის გაფორმებული ხელშეკრულება უზრუნველყოფს არასასიცოცხლო დაზღვევის პორტფოლიოს სანდოობას.

სს საქართველოს სადაზღვევო ჯგუფი წარმოადგენს ახალ კომპანიას საქართველოს სადაზღვევო ბაზარზე. კაპიტალი სრულიად ქართულია, ხოლო მმართველობას გააჩნია მრავალწლიანი გამოცდილება სადაზღვევო სექტორში. საქართველოს ბაზარზე კომპანიამ ფუნქციონირება დაიწყო 2017 წლის ივლისში და მისი სადაზღვევო პორტფოლიო უკვე აღემატება 11 მილიონ ლარს.

2018

წაკითხვა